Goreyê raporêkê Merkezê Ewnîyayîşê Koçî yê Zereyî (IDMC) yo ke Cenevre de ameyo weşanayene, her wextî ra zêdetir merdimî rîyê şer û bobelatan ra welatanê xo ra koçber bîyî. Rapor de ame zanayene ke, hûmara merdiman a ke serra 2018 de bîyê mexdûrê koçberîya zereyî, reste 41.3 mîlyon kesan.

Goreyê raporê IDMC’yî, rixmo ke xeylî kesî agêrayê zî hûmara merdiman a ke serra 2018 de mîyanê welatê xo de koçber bîyê, nêm mîlyonî ra derbaz bîye. Serra 2018 de 28 mîlyon kesî mecbûr mendî ke keyeyanê xo biteriknê. Temamê ci de, 10.8 mîlyon kesê neweyî mecbûr mendî ke rîyê pêkewtiş û şîdetî ra keyeyanê xo bireriknê.

Etîyopya de 2.9 mîlyon kesî, Komara Kongo ya Demokratîke de 1.8 kesî û Sûrîye de zî 1.6 kesî bîyî mexdûrê koçberîya zereyî. Semedê bingeyênî yê koçberîya zereyî, bobelatê xoza yê. Mudira IDMC'yî Alexandra Bilake vat, germîya globale reyde beno ke na hûmar zêdetir biba.