Murat Aydemîro ke Çaglayan ê Erzînganî de ciwîyeno, seba weyebîyayîşê qijikan des tenekeyî gozî cayanê cîya-cîyayan ê Newala Pilemurîye de ronayî.

Murat Aydemîrî ard ziwan ke zimistan zaf giran derbaz beno û no zî heywananê kovîyan ser o  tesîrêkê giranî keno û vat, “Heywanî seba werdvînayîşî zaf zehmet ancenê. Resayîşê nê gozan de rolê qijikan zaf o. Qijikî eynî wext de heywanê xozaperwer ê. Ma seba înan des tenekeyî gozî xozaye de ronayî. Ma ke birotêne nêzdîyê di hezarî pereyî do bikewtêne ma dest. Labelê ma seba dayîşê deynê xo yê xozaye no rayîr kerd xo ver.

Murat Aydemîrî bale ante ser ke bajar de weşeqan ra bigê heta zerencan, bizê koyî, maseyî, segawî û hîna zaf tewirê heywanan ciwîyenê û vat, “Qeraro ke walîtîye babeta qedexekerdişê seydbazîye de girewto muhîm o. Ganî seba seveknayîşê heywanan her kes para ci rê çi berpirsîyarîye kewena bîyaro ca.”