Fermandarîya YBŞ-YJŞyî bi wesîleya ameyîşê roşanê Şevberatî û Çarşemaya Nîsane eşkerayîyêke weşaneye.

Eşkerayîye de ame vatene ke rîzxmê rojanê zehmetan zî komelê êzidîyan tim roşanê xo fîraz kerdî û semedê nêweşîya vîrusê Korona ra beno ke sey serranê bînan ê roşanê xo bi girseyan fîraz nêkerê labelê bi heman zerrîweşîye keyeyanê xo de pêşwazî û fîraz bikerê. Fermandarîye eşkerayîya xo de pêro şehîdê xo yad kerdî û bale ante vîrusê Korona ser. Fermndarîye vat: ''Ma ameyîşê rojan ê fîrazan ê şarê xo yê ke teberê welatî de yê yan zî kampan de manenê fîraz kenê. Merdimê ma yê ke teberê welatî de pê na neweşîye kewtê ma înan rê zî şîfa wazenê. Ma sey YBŞ-YJŞyî şexsê fermandarê pîlî yê Şehîd Zerdestî û embazanê ke na rojanê peyênan de hêrişanê dewleta tirke de şehîd bîyî, pêro şehîdanê fermanan ê ke bîyî sembolê kultur û tarîxê ma bi rêzdarî û mînetî yad kenê.''