Têgêrayîşê Ekolojî yê Mezopotamya û Cehdkerdişê Ciwîyayîşî yê Hesenkeyfî vera rijnayîşê Hesenkeyfî eşkerayîyêk daye. Eşkerayîye de  AKP ame  hîşyarkerdene û veng dîya rarapêroyî.

Eşkerayîye de ame vatene ke projeye Awbendê Ilisûyî serê ra heta peynî xelet o û nê ameyî parekerdene: ‘’Projeyê Awbendê Ilisûyî yo ke beno sebebê şiktişanê  ekonomî, sosyal, kulturkî û ekolojîkî ganî bero betalkerden. Reyna bi seyan cayê antîk ê ke hema babeta cipersayîşî nêbîyî hedefê qirkerdişê kulturkî de yê. Hesenkeyfo ke 10 krîteranê UNESCO ra wayîrê 9’ine înano verê çimanê dinya de yeno rijnayene. Mehkemaya Heqanê Merdiman ê Ewropa (MHME) zî nê sûçî rê bena hetkar. Projeyê ke înşaatê ci qedîyayî la falîyet nêkewtî zaf ê. Coka semedê Hesenkeyfî hema erey nêyo. Ma ganî heta peynî mucadele bikerê. Seba ke mucadeleyê ma ser bikewo ma veng danê ke wa her kes paştî bido ma.''