Seba ke Elewîyan de têkilîyê virazê, yew heyetê Kakaîyan ameybî Tirkîya û nê heyetî Cemxaneyê Gazîyî ziyaret kerd û beşdarê cemî bîyî.

Heyetê Kakaîyan ê Bawerîya Elewîyan çarçewaya programê xo de şîyî zîyaretê Cemxaneyê Gazîyî û îdarekar û pîranê cemxaneyî, heyete Kakaîyan qebûl kerd. Komelê Elewîyan ra xeylî kesî zî beşdarê programî bîyî û Kakaîyan de têkilîyî viraştî. Serekê Cemxaneyê Gazîyî Hidir Karataş, Pîr Hasan Hayrî Şanli, Pîr Hasan Dogan, Pîr Hidir Canan, Pîr Ismaîl Soyupak, Pîr Haşim Kizildere, Pîr Kenan Canguler, Pîr Nazim Elmas, Pîr Alî Elmas û hunermende Ayfer Duzdaşe heyetê Kakaîyan qebûl kerd. Yewbînîşinasnayîş ra dima cemê mûhabetî ame viraştene. Çilayi ameyi tafîstene, bi dêşan sema ameye çerxdayene.