Keyeyê Şirnexijî yê ke serranê 1990an de Kurdistan de destê terorê dewlete ra remayê û şîyê Karagoçerler ê Edene hewna zî dejê înan ê xeymeyan dewam keno. Ma zehmetîyanê ke ê ciwîyenê ser o qisey kerd. Merkez ra dima bi raywanîya nizdê saet û nîmî ma resenê Karagoçer. 

 ‘RÎYÊ KOÇÎ YÊ ŞERÎ’

Nê xeymeyî di hetanê kanalêk de ameyê ronayene. Nê xeymeyê Şirnexijan rîyê koçî yê şerî ramojnenê ma. Keyeyî tîya bi karkerîya zîretî debara xo kenê. Xeylî kesan tîya domanîya xo nê xeymeyan de vîyarta, şîyê hêga û zeweyîjîyayê.

Ma kewenê zerreyê xeymeyêk, zereyê xeyma odeyan rê ameyo parekerdene. Sobayêk û televîzyonêk esto na xeymeye de. Cennet Karaya 26 serrî ke wextê koçberîye de 6 serrî bîya vat: “Ma ne domanîya xo ciwîyayî û ne zî ciwanîya xo. Înan serranê 90an de dewê ma vêşnayî, merdimî kiştî û vîndî kerdî. Ma rojêka weşe nêdîye, heta ma nê xeymeyan de bê do domanê ma zî nêvînê.”

ŞIRNEXO QICKEK: KARAGOÇERLER

Nê cayê xeymeyan de merdim raştê xeylî çîyan yeno. Ziwanê kuçeyî Kurdkî yo, xeylî cayan de tenûrê tavisteyî estê. Xanê Guvena ke nan pewjena vat: “Dewa înan xeyal meyal yena a vîrî. Hewna ez 3-4 serrî bîya zaf xeylî keyeyan ma koçêˆtîyayî kerd. Seke her kesê tîyayî ma zî wazenê agêrê dewa xo. Bî 20 serrî, ez zewecîyaya û mi 4 domanî ardî dinya. Ez ge-ge qebûl nêkerî zî tîya hendî bîyo memleketê mi zî. Heta mi dest ra yeno ez kulturê tîya z3i bidî ciwîyayene.”