Koordînasyonê KJKyî bi wesîleya 4ê Nîsane ke rojbîyayîşê Rayber Apoyî yo, eşkerayîya nuştekîye daye û nê vatî:

''Ma rojbîyayîşê Raybe Apoyî fîraz kenê û bi heskerdiş û hurmetî ey selam kenê. Ma şehîdanê çalakîya Amara ya 4ê Nîsane Mahsum Karaoglan û Mustafa Dagî yad kenê û sozê serkewtişî newe kenê. Ma rayraşîyayîşê ciwanan ê ver bi Amara selam kenê. Goreyê tradîsyonê qedîmî yê Rojhelatê Mîyanênî kam ke komelî rê erjê girdî dayî qezenckerdene, a raştîye bimbarek a. No fîrazkerdiş bi zerrîya komelî beno. Rojbîyayîşê Rayber Apoyî zî wina yo.

Bîyayîşo verên ê Rayber Apoyî fîzîkî yo, ê diyînî bîyayîşê PKKyî yo û yê hîrêyinî zî vengdayîşê 27ê sibate yo. Dalpaya bîyayîşê verênî bi averşîyayîşê PKKyî bîye derya, bi bîyayîşê hîrêyînî yê prosesê Îmraliyî bîye okyanûs. Vengdayîşê Rayber Apoyî yê 27ê sibate bîyayîşo hîrêyin tacîdar kerd û kerd manîfesto.

4ê Nîsane rojbîyayîşê Rayber Apoyî yê 76ine Kurdsîtan, Tirkîya û Rojhelatê Mîyanênî de hetê cinîyan ra seba ke verê haştîye û komelê demokratîkî abikero erjo gird qezenc kerdo. Semedê caardişê nê manîfestoyî gerek azadîya fîzîkîye ya Rayber Apoyî bêro caardene.

Coka gerek semedê azadîya Rayber Apoyî têkoşîn bêro xurtkerdene. Rayber Apoyî bîyayîşê xo kerd bîyayîşê ma. Ma deyndarê Rayber Apoyî yê, gerek ma berpirsîyarî û wezîfeyê xo bîyarê ca. Coka veng danê şarê xo û dostanê xo ke wa verê xo bidê Amara. Cinîyî û ciwanî gerek Rayber Apoyî reyde herra ke Rayber Apo tede bîyo de ver bi azadîye rayra şîrê û ganîbîyayîşî bi xelisnayîşî bîyarê têhet.

Wa şarê ma her ca de bi waştişê azadîya Rayber Apoyî leyan û vilikan rono. Wext wextê bîyayîşanê neweyan o. Wext wextê bîyayîşanê azadan o. Wext wextê bi bîyayîşê hîrêyînî yê Rayber Apoyî afirnayîşê haştîye û komelê demokratîkî yo.''