Koordînasyonê Partîya Azadîya Cinîyan a Kurdîstanî (PAJK) derheqê rojbîyayîşê Rayber Apoyî yê 4ê Nîsane de eşkerayîyêke daye. Eşkerayîye wina ya:

‘’Ma rojbîyayîşê 76inî yê Rayber Apoyî fîraz kenê. Ma 4ê Nîsane cinîyan rê fîraz kenê. 4ê Nîsano ke bi ronayîşê leyan yeno fîrazkerdene roşanê domanan o zî. Ma soz danê ke cuya domanan bipawê, kiştoxanê Narînan ra hesab bipersê, domanan rê cuyêka azade û xozayêka keske verbidê.

Ma şexsê Mahsum Karaoglan û Mustafa Dagî ke 2009 de şayîya 4ê Nîsane de ameybî qetilkerdene de pêro şehîdanê ma bi rêzî yad kenê.

4ê Nîsane seba cinîyan, şaran û dinya mîladêk o. Rayber Apoyî karakterê nasnameyê xo yo sosyalîst bi têkoşînê azadîya cinîyan dekerd. Rayber Apoyî bi felsefeya ‘Jin, Jiyan, Azadî’ ferasetê serdestîya camêrdan binî ra lerzna. Coka rojbîyayîşê Rayber Apoyî rojbîyayîşê cinîyan o.

Rayber Apoyî hema domanîya xo de mesele û nakokîyê komelî fam kerdî. Ey cigêrayîşan ra peu tim demokrasî, têdûştîye, azadîye û exlaqo komelkî pawit. Ey bi îlankerdişê PKKyî rojbîyayîşê şarê kurdî zî îlan jerd. Coka 4ê Nîsane rojbîyayîşê şarê kurdî yo zî.

Rayber Apoyî xeta sosyalîzmê demokratîkî de vera kapîtalîzmî tim dinyaya azade pawite. O hêzanê modernîteya demokratîke rê bi îlham. Ey rojbîyayîşê medenîyetê demokratîkî ard ca. Bedelê ney de o Zîndanê Îmraliyî de ame esîrkerdene. No esaret esaretê ma yê pêroyînan o. Azadîya Rayber Apoyî azadîya ma ya pêroyînan a.

’Sey her serre emser zî ma do 4ê Nîsane de bi ronayîşê leyanê neweyan hem xoza şîn bikerê hem zî azadîya Rayber Apoyî şîn bikerê. Ma do bingeyê azadîya Rayber Apoyî de seba çareserîya meseleya kurdan û demokratîkkerdişê Tirkîya 4ê Nîsane pêşwazî bikerê. Ma rayraşîyayîşê Amara yê cinî û ciwanan selam kenê, bi ruhê 8ê Adare û Newroze tewrê nê rayraşîyayîşan bibê.’’