Konfederasyonê Cimatanê Kurdistanijan ê Almanya (KON-MED) eşkerayîyêka nuştekîye weşnaye û rojanê Remazanê alemê Îslamî, Rayberê Şarê Kurdî Abdullah Ocalanî, şarê Kurdî yê Kurdistanî û teberê welatî, keyeyanê şehîdan, zîndanan û têkoşeran pîroz kerd.

Eşkerayîye de ame vatene, şarê Kurdî têkoşînê azadîye de rest merheleya muhîme, la eynî wext de polîtîkaya qirkerdişê kultur, cimat, ekonomî û sîyasî ya vera Kurdistanî dewam kena.

Eşkerayîye de ame vatene, “Vera zulmî, sîyasetê înkar û çinkerdişî yo ke vera şarê ma yeno rayra berdene, ganî şarê ma yewîye, rêxisitinbîyayîş û paştdayîşê xo xurt bikero, hîratir kultur û ziwanê xo ra wayîr vejîyo û roşanê xo pîroz bikero.

Şarê Kurdistanî na dinyaya nenge ya ke bi nameyê Îslamî ameya awankerdene tu cara qebûl nêkeno, bi serkêşîya merdimo gird Rayber Apoyî bi serran o seba merdimîye têkoşînê estbîyayîşî dano. Bêguman no têkoşîno pîroz ê şarê Kurdistanî teyna seba Şarê Kurdî nîyo yan zî seba grubêka etnîke nîyo. Têkoşînê merdimîye yo, hetê bînî ra wayîrvejîyayîşê edalet û way û biratî ya ke rûmetanê pîrozan ê Îslamî yo. Eynî wext de hemeleya eşkerakerdişê pîrozanê vîndîbîyayîyan ê Rojakewtena Mîyanên a, hemleya seba wayîrvejîyayîşê rûmetanê xo ya. Amancê bingêyenî yê têkoşînê ma o yo ke roşanan îstîsmar û esaretî ra xelisnayîş û resnayîşê manaya ci ya rastîye û newe ra na rastîye kerdişê keyeyanê şaran o.”