Bi seyan Muslumanê ke Bremen de û der û dorê ci de yê, menga Remazanî de her şan de fitarê xo Camîyê Seîdê Kurdî akerd.

Eynî camîyî de seba Şewa Qadirî zî bernameyêk ame amadekerdene. Şewe de Mele Eşref, Mele Husên û Mele Şahînî derheqê Şewa Qadirî de ayet û hedîsî wendî û nimûneyî dayî. Meleyan da zanayene ke Şewa Qadirî îtîrazê vera zulmî yo. Yuksel Koç zî tewrê pîrozkerdişê Şewa Qadirî bi, ke bajarê Strasboûrgî de 161 rojî çalakîya grevê vêşanîye de mendibi. Dimayê bernameyî, Serekê Komela Paştdayîş û Hetkarî ya Camîyî Mûhîttîn Boztîmûrî seba ke fître, zekat û bexşî berê dayene bi Heyva Sor a Kurdistanî vengdayîş kerd.