Minbic de berhemê zimistanî arê dîyenê

Minbic de hînî citkarî sebzeyanê xo yê zimistanî arê danê û bazaran de roşenê.

Minbic de erazîyê zîretî yê bibereketî estê. Citkarê Minbicî her serre tewir bi tewir sebzeyanê sey pîyaz, sîr, maydanoz ûsn. ramenê.

Dewa El Yastî ya Minbicî ra Şihadê Sado pare kena ke ê menga tebaxe de sebzeyanê zimistanî ramenê û zimistan de zî nê sebzeyan arê danê û roşenê.

Şihadê Sado îfade kena ke ê nika ra dest pê xebata arêdayîşî kerd û vat: ''Ma berhemanê xo bazar de roşenê û bi nê hawayî eşkenê debarê xo zî bikerê.''

Minbic de nika citkarî seba zimistanî serayanê xo nanê ro.

Şihadê Sado ana ziwan ke Komîteya Zîretî ya Minbicî seba citkaran mazot û sil peyda kena û heta nika komîte 5 reyan mazot da citkaran.