Paytextê Şahanşahîya Yewbîyayî Londra de dormepeweranê ke bi çalakîyanê protestoyî waştêne hukmat derheqê vurayîşê îklîmî de hîna zaf mucadele bikero ser kewtî.

Partîya Karkeran twîtter ser o da zanayene ke bi zextê partîya înan Şahanşahîya Yewbîyayî seba Îklîm û dormeyî halo lezkanî îlan kerdo û vat ke  no welato verên o ke seba îklîmî wina yew game erzeno.

Rayberê partîye Jeremy Cobynî zî va, ‘‘Ez umîd kena ke no semedê heme parlementoyanê  dinya beno nimûneyêk.‘‘

Qerarê parlamento çalakîyanê  bêîtaatîye yê sivlî yê bêşidet yê ke hetê têgrayîşê Extinction Rebellion ( Serewedartişê çînbîyayîşî) ra yenê organîzekerdene, ra dima ame girewtene.

Serewedartişê çînbîyayîşî bi eşkerayîyêk da zanayene ke zextê înan ê serê sîyasetmedaran do hîna bêro zêdkerdene û vat ke hukmat ra çalakîyanê biqerar pawenê.