Qezaya Çemişgezekî ya Dêrsimî de leşkeran wesayîtêko şikdar rayîr ser o vindarna û bagajê wesayîtî de di leşê pezkovîyan dîyî ke ameybî parçekerdene. Ramitoxê wesayîtî K.A.T., Mustafa û lajê ci Serhat Y. hetê ekîban ra ameyî destbendkerdene.

Babî û lajî îfade da ke înan dereyê Sorpîyan de pezkovîyî kiştî. Şubeyê Dêrsimî yê Mudirîyetê Pawitişê Xozayî û Parkan ê Mîlîyan babî û laje rê cezaya pereyî ya 50 hezar TL daye û derheqê ramitoxî de zî tehqîqatêk da destpêkerdene.