Goreyê doneyanê FAO’yî, 3 serrî yo ke 50 welatan de krîzê xidayî esto.

Goreyê raporê neweyî serra 2018’î de 53 welatan de 113 mîlyonî ra zêde merdimî sînorê vêşanîye de ciwîyayê.

Welatê ke krîzê xidayî ancenê wina ameyî rêzkerdene: Yemen, Komarê Kongo yê Demokratîkî, Efxanîstan, Etîyopya, Surîye, Sûdan, Sudan ê Vakurî û herêma Başûrê Nîjerya. Nê welatan de krîzo tewr giran ameyo ciwîyayene.

Krîz tewr zêde welatanê Afrîka de tesîr keno û nê welatan de 72 mîlyonî ra zêde merdimî vêşanîye ancenê

21 welatî serra 2018’î de hawayê şerî de bîyî û nê şer û pêkewtişan ver 74 mîlyonî ra zêde merdimî vêşanîye dir ardê têrî.

Goreyê raporî se ra 80’ê nufusê nê welatan bi citkarîye debara xo nayenê ro û seba ke vêşanîye biqedîyo ganî citkarî û zîret newe ra bêro awankerdene.

Serra 2017’î de 124 mîlyon merdimî sînorê vêşanîye de bîyî û serra 2018’î de na hûmare tayê gina war o û bî 113 mîlyon. No waroginayîş zî sey sebebanê laser, varişo zêde, ziwayîye ame musnayene.