Silêmanî  de bi tewrbîyayîşê xeylî rêxistinanê pawitoxanê ekolojî, cugehî û pawitişê çimeyanê xozayî Forûmê Awe yê Mezopotamya dest pêkerd. Forûm do 3 rojî dewam bikero û  derheqê persanê cimatî de qiseykerdişî bêrê kerdene.

Forûm Salona Konferansî ya Unîversîteya Silêmanî de dest pêkerd û xeylî herêmanê Kurdistanî ra ekolojîstî, zanyarî, sîyasetmedarî, nuştoxî û akademîsyenî tewrê forûmî bîyî. Hetkarê hemserekatîya Pêroyî yê HDP’î yê Ekolojî ra Berpisîyar Mûrat Çepnî zî tewrê forûmî bi.

Kapîtalîzm û dewletanê neteweyan awe kerda wasitaya Bazirganîye

Destpêkerdişê forûmê de beşdarbîyayox ê ke çar parçeyanê Kurdistanî ra ameyê, persa awe û derheqê çareserîyan de qiseykerdişî kerdî. Qiseykerdişan da ke kapîtalîzm û dewletanê neteweyan awe kerda wasitaya Bazirganîye. Bale ante ser ke, Tirkîya ya ke awê Dîcle û Firatî destê ci de yê, ney verê herême û şaran sey çekêk bikar ana û tewrbîyayîşê hêzanê mîyanneteweyîyan reyde no çî bi şerê awan. Forûm de ame vatene ke ‘Awe malê merdimî ya û nêbeno ke sey wasitaya Bazirganîye û çekêk bêra bikarardene.’