Xelata Domananê Dinya ya ke sey Xelata Nobelî ya Domanan yena naskerdene, bajarê Marîfredî yê Swêdî de bi merasîmêk, bi beşdarbîyayîşê domananê 13 welatan, hetê Prenses Sofîa ra ameyî dayene.

Doktor Ashok Dyalchando Hîndîstanij o ke 40 serrî yo vera zewajnayîşê domanan û seba destkewtişê heqanê têduştan ê domananê kêna û lajan têkoşîn keno, hêjayê Xelata Domananê Dinya ya serra 2019’î  ame dîyayene.

Xelatê Anorî zî aktîvîstêk heqanê merdimanan û di domanan rê ameyî dayene. Xelata Anorî daye Spes Nîhangaza ya ke 25 serrî yo seba tedawîkerdişê domananê ke nêweşîya aîdsî girewta û seba domananê ke şerê zereyî ra zirar dîyo, xebitîyena.

Xelata Anorî ya bîne zî daye avûkatanê heqanê domanan ra Guylande Mesadîeuyî yo ke 20 serrî yo Haîtî de vera kolekerdiş û hepiskerdişê domanan de têkoşîn keno.

Xelatî serra 2000’î ra nata yenê vilakerdene. Seba kifşkerdişê wayîranê xelatan, heta nika 44 mîlyon domanê ke 650 hezarê înan Swêd de ciwîyenê, tewrê raydayîşî bîyî.