Paytextê Swîsre Bern de bi se hezaran kesan bi  rayraşîyayîşêk  bale ante serê germîya globale.

Dimayo ke rayraşîyayîş verê Parlementoyê Federalî ame qedîyayene derheqê babete de qiseykerdişî ameyî kerdene. Qiseykerdişan de ame vatene ke ganî meseleyê îklîmî bikewe rojdemê meclîsî. Rayberîya kolektîfanê wendekaran de do 29'ê Teşrîna Peyêne de şaristanê Zurîhî yê Swîsre de zî Grevê îklîmî yê Globalî bêro viraştene.