Qezaya Tîl Hemîsî ya Kantonê Qamişlo de semedê hêrişanê çeteyan ra hîrê serrî xebatê perwerdeyî vinetibî. Dimayo ke şerwananê YPG Û YPJ’yî qeza destê çeteyan ra xelisnaye, 2016 ra nata wareyê perwedeyî de gamê girdî ameyî eştene. No çarçewa de sazgehê perwerdeyî û wendegehî ameyî akerdene, mamosta û perwerdekarî ameyî resnayene.  Wextanê perwerde yê 2017-2018 de xebatê xeylî aver de şîyî û heme mamosta û perwerdekarê ke do perwerde bidê perwerdeyê formasyonî ra derbaz bîyî.

Serekê Komîteya rayberdişî yê Wendegehanê Tîl Hemîsî Xelîl Osmanî ard ziwan ke,  gama verêne de hûmara wendekaran şenik bîya, dimayê şinasnayîşê fikrê Neteweyê Demokratîkî hûmara wendekaran zêde bîya.

Osmanî da zanayene ke hûmara wendekaran a ke şinê wendegeho vêren resta 11 hezar û 520 kesan û vat, serra ameyoxe de sinifa 11. zî do daxilê perwerdeyê sîstemê Rayberîya Xosere biba.

Osmanî ard ziwan ke perwerdeyê emserî do 9’ê Gulane 2019 de biqedîyayo û 14’ê Gulane de qarneyan vila bikerê û ê do derheqê demê verê înan, seba mamostayan bernameyê perwerdeyî yê 20 rojan bidê destpêkerdene.

Osmanî bale ante serê bobelata laserî zî û ard ziwan ke xeylî wendegehan zirar dî û xizmetê perwerdeyî ame vinetene û vat, Komîteya Tamîrî ya ke girêdayîya Komîteya Perwerdeyî ya Kantonê Qamişloyî ya wendegehanê ke zirar dîyo de dest bi xebatanê tamîr û viraştişî kerdo.

Osmanî peynîya qiseykerdişê xo de ard ziwan, înan dewanê Mîlêha û Xename de seba wendegehî keyeyêko diodayin awan kerdo.