Vera ocaxê kerra yê dewa Mulu ya Dêrsimî kampanyaya îmzayan
Dewijanê dewa Mulu ya Dêrsimî vera ocaxê kerra yo ke 15 serrî yo dewa înan talan keno kampanyaya îmzayan daye destpêkerdene.
Rayberîya rojnamegere û nuştoxe Denîze Bîlgîna dêrsimîje de hetê dewijanê Mulu ra vera ocaxê kerra yo ke 15 serrî yo dewa Mulu ya Dêrsimî talan keno kampanyaya îmzayan ameye destpêkerdene.
Eşkerayîya derheqê babete de nê ameyî vatene: ''Dewa Mulu ya ka Parka Tebîetî de ca gêna nizdê 15 serran o ke tede ocaxê kerra yeno gurenayene. Dewa ke cade kişta merkezê Dêrsimî de ya û bi daristananê hewzan dormeyê ci girewte yo çar hetan ra yena rijnayene. Ma nêwazenê ke dewa ma bêro çînkerdene.
Vera Mutehîd Erdal Guntaşo ke wayîrê ocaxê kerra yo cuwa ver zî xeylêk platforman de têkoşîn ame dayene. La nê şaredarîye, ne weklîlê bajarî û nê dezgehê ke bajar de yê qimkerde hîsgêr nêbîyî û paştî nêdaye. Reyna zî vera nêrazîbîyayîşan Erdal Guntaşî kanûna 2015î de çapemenî ra da zanayene ke o ocaxî qefilneno. La 5 serrî ravêrtî hema zî no ocaxê kerra nêqefilya.
Nika peykî ra zî yeno vînayene ke cayêko hîra bîyo talan. Darî, daristanî, zinarî çîn bîyî. Awê binê erdî ameyî leyminkerdene. Koyî ameyî paçekerdene û rîpêşê nebatî , vilîkî û qismêkê daristanan ê ke pişika sipîye yê bajarî yê çîn bîyî.
Dewa ma de xeylêk cayê bimbarêkî estê, Mezela Dewreşî û Vilê Jêlê înan ra tay ê. Bi destê dewlete û xirsê karî qirkerdişê xoza yeno kerdene û herra ma de cuya ma rê yeno axûkerdene. Bi talankerdişî her parçeyê herre, her dare domanîye, vîrardiş, kultur û hîşê ma yo komelkî yeno çînkerdene. Eke xozaya merdimî ra hîşê ci bêro girewtene destê ci de çi maneno!
Xora virusê Korona zî ramojna ke peynîya hêrişê vera xoza û merdimî felket o. Coka ma sey dewijanê Mulu wazenê ke no ocaxê kerra yo ke xozaya ma talan keno wa cade bêro qefilnayene. Reyna ma veng danê şaredarîye, dezgehanê komelî yê sivîlî û heme kesanê hîsgêran ke wa paştî bidê ma.''
Lînkê kampanyaya îmzayan:
Kesê ke tewrê kampanya bîyî nameyê înan wina yê:
Ali Riza Demir, Ali Ataş, Ali Alkiş, Ali Haydar Kargin, Ali Haydar Alkiş, Ali Ateş, Aytene Erdonmez, Ayhan Metin, Aydin Yeşil, Azem Ataş, Azad Alkiş, Bariş Aktaş, Baki Bilgin, Cafer Açıkgoz, Cemil Erdem Ozel, Cemil Yildiz, Celal Çiçek, Cevahir Demir, Cem Parlak, Cemal Arslan, Cihan Yildiz, Çagdaş Yeşilgoz, Çigdem Çelik, Çagdaş Ateş, Çaglanure Bilgin, Çetin Kiliç, Denize Bilgin, Deniz Ateş, Deniz Altuntaş, Derviş Demir, Derman Kaya, Ezgi Ozturk, Ezgi Altuntaş, Erdem Çelik, Erhan Kiliç, Fatma Çelik, Fatma Çihnitaş, Gulîstan Comert, Gulserene Ataş, Gullu Demirkaya, Gulserene Ateş, Gokhan Yildirim, Hatice Yildiz, Hatice Karaldi, Haskar Kulahçi, Hasrete Geven, Haydar Ergin, Haydar Aslan, Hasan Ataş, Hidir Çelik, Hasret Çelik, Hidir Yildiz, Huseyin Bilgin, Huseyin Demirkaya, Huseyin Ateş, Huseyin Yildız, Huseyin Demir, Hurriyet Alkiş, İlhami Kulahçı, İmam Alkiş, Kader Arslan, Kader Soylemez, Kazim, Yildiz, Kiymete Kogu, Merale Alkiş, Metin Alkiş, Muslum Polat, Muharrem Alkiş, Musa Saritaş, Murat Alkiş, Murat Ateş, Murat Metin, Murat Yikilmaz, Necati Ozel, Onur Payço, Onur Ataş, Ozgur Comert, Ozgur Guçlu, Ozgur Bilgin, Ozgur Arslan, Ozlem Kirmizitoprak, Ozlem Kaplan, Riza Alkiş, Sadiye Ozel, Savaş Malay, Selim Yildiz, Sertaç Yildiz, Selvi Yildiz, Selvi Bilgin, Serpil Alkiş, Serdar Yildiz, Serkan Çignitaş, Serdar Gul, Sevgi Kiliç, Songul Ataş, Sevime Çignitaş, Sitem İlhan, Suna Bilgin, Sinan Dumanoglu, Sitem Melekoglu, Şahin Guler, Şengul Ozturk, Şebneme Kinaci, Taner Payçu, Turgut Oztüuk, Umut Ozturk, Ulaş Yavuz Kiliç, Umut Çelik, Veysel Aydın, Veli Ay, Yaşar Halis, Yusuf Çignitaş, Yildiz Soylemez, Yasemine Alkiş, Zeki Alkiş, Zelale Demirkaya.
