Raporo ke konferansêkê bajarê Rîo de Janeîro yê Brezîlya de ame parekerdene, ame pêhesnayene ke cixarayê elektronîkî seba weşîye bizirar ê.

 Vilabîyayîşê cixarayanê elektronîkan ê ke zafanê mîyanê ciwananê ke cixara nêancenê de vila yo, wextêk ra dima beno sebeb ke cixara biancê. Goreyê nê kesê ke titûnî nêşuxulnenê û muracatê antişê cixarayanê elektronîkan kenê dima ra dest bi antişê cixaraya rastekêne kenê. Goreyê raporo ke ameyo parekerdene her çend nisbetê nîkotîn û madeyê bînî yê bizirarî cixarayanê elektronîkan de kemî bo zî madeyê ke înan de estê zî seba weşîye birîsk ê. Rapor de bale ancîyaye ke antiş û sîstemê cixarayanê elektronîkan bi sereyê xo bizirar o, ame vatene ke sîstemê newe ra rotişê cixarayanê bi nê tewiran ganî newe ra bêro sehnayene.

 Rapot de ame vatene ke seba veradayîşê antişê cixara şuxulnayîşê cixarayanê elektronîkan bêfayde yo. Welatê ke cixarayê elektronîkî tede yenê antene zafane cixarayanê titûnênan zî ancenê. No zî ramojneno ke tesîrêkê cixarayanê elektronîkan çino.