Muduro pêroyî yê WHO’yî Tedros Adhanom Ghebreyesusî Cenevre de eşkerayîyêk daye û vat dem ameyo ke dinya bi hawayêkê fermîyî hemverê şûbeyî de tewirê xo ramojno. Ghebreyesusî pîya bi nê pêşnîyar kerd ke Komara Kongo ya Demokratîke sînoranê xo akerde verdo.

WHO ke sazîyêka Neteweyê Yewbîyayeyî ya, dimayo ke bajaro tewr gird o dîyin ê Komara Kongo ya Demokratîke Goma de merdimêk rîyê na nêweşîye ra cuya xo vînî kerde, qerarêko winayên da. Goma serê sînorê Rûanda de yo. Menga Hezîrane de Ûganda de zî di nêweşê şûbeyê Ebola ameybî tespîtkerdene.

Komara Kongo ya Demokratîke de hamnanê ravêrteyî ran ata dorê 1700 kesan rîyê nêweşîya Ebola ra cuya xo vînî kerde.

Halo lezgîn o global heta nika tena çar reyan hetê WHO’yî ra ameyo îlankerdene.