Hewteyêk o awe bîya kemî. La Royê Dîcle mîyanê nê 30 serranê peyênan de bi hawayêkê tewr pakî aseno.

Royê Dîcle yo ke qezaya Pîranî ra dest pêkeno, serê Bismil, Êlih, Heskîf, Cizîre û Mosilî ra xo resneno Bexda, dimayo ke Bexda de beno di bendî Royê Firatî dir beno yew û Kendawa Basra ra herikêno bi Okyanûsan. Royê Dîcle qurbanan ra yew o ke AKP’yî çim kerdo ci. Royê Dîcle yo ke ser o xeylî HES û ocaxê qûmî ameyê viraştene, rîyê polîtîkayanê şaşan ê zîretî ra tay mendibi ke ziwa bibo. Seba ke awa ci bîbî kemî xeylî ganeyê ke tede bî nê 30 serranê peyênan de bî vînî.

Goreyê ekolojîstan rîyê HES, ocaxanê qûman, wareyanê zîretî û eşteyanê fabrîkayan ra awa royî heremîyaye. Rîyê leyminîye ra awa royî rengê lincî de herikîyayêne. Mîyanê 15 rojanê peyênan de rengê awe abi û hendî pak herikêno. Seba ke awe pak bimano mesuldarî kewena serê milê her kesî.