Goreyê cigêrayîşêkê Hîndijan o ke rojnameyê Journal of Famîly Medecîne and Prîmary Care de ameyo weşanayene, mabênê Teşrîna Verêna 2011’î û Teşrîna Peyêna 2017’î de tewr kêmî 259 kesan wexto ke fotografê xo ant cuya xo vîndî kerde.

Goreyê cigêrayîşî her çiqas cinîyî camêrdan ra zêdetir fotografê xo biancê zî, 4 ra 3 yê ci camêrdî rîyê xoantişî ra cuya xo vîndî kenê. Nê zî bi hawayêkê xeneqîyayene, qezaya trafîkî, kewtiş, veşayîş û bi çekan merdişî ra qewemîyenê. Hîndîstano ke 800 mîlyonî telefonê destan estê de, 159 kesî rîyê wexto ke selfî ancenê ra mirenê, Hîndîstanî ra dima tewr zêde mergî Rûsya, DYA û Pakîstan de qewemîyenê. Rûsya de selfî bi sebebê mergê 16 kesan û DYA de zî bi sebebê 14 kesan. Hetê bînî ra Brezîlya, Vîetnam, Almanya û xeylî welatan de rîyê selfî ra serê rayîran de qeazayî qewemîyayî.