Vera hêrişanê çeteyan û dewleta tirke ya îşxalkere Awbendê Tişrînî de 8ê çeleyî ra nata nobeta xoverdayîşî dewam kena. Xoverdayîş roja 110ine de yo.

Xoverdayîş hetê roniştoxanê Kantonê Firatî ra yeno kerdene. Mehmûd Mihemed Elîyo 85 serrî zî nobeta xoverdayîşî de cagêno. Elîyî dîyar kerd ke bedelê ci çi beno wa bibo ê do erdê xo bipawê.

Elîyî ANHA rê wina vat: ‘’Ma do paştî bidê şerwananê xo. Ez do heta nefesê xo yê peyênî tîya de xo ver bida. 

Ma tîya de rojê zehmetî, serdî û nêweşîyê giranî dîyî. La moralê ma berz o. Ma do sereyê xo nêarê war. Xoverdayîşê mi hêz da merdimanê mi û ê zî tewrê xoverdayîşî bîyî.’’