Goreyê îdîaya televîzyonê NBC’yî lajê Ûsame Bîn Ladînî, ke 2011 de amebi kiştene, Hamza Bîn Ladîn merdo. New York Timesî zî na xebere rast dîye. La rixmê nê de zî nêno vatene ka key û bi çi hawayî Hamza Bîn Ladîn merdo.

New York Timesî zî vat Hamza Bîn Ladîn, ke lîsteya sîyaye ya DYA de yo, mîyanê nê 2 serran de beno ke merdbo. Rojnameyî vat îdareyê Donald Trumpî yo ke bêvengîye tercîh keno beno ke operasyonê kiştişê Hamza Bîn Ladînî de ca girewto. Amerîka 1 mîlyon dolarî xelate dabî serê tepiştişê Hamza Bîn Ladînî. Ûsame Bîn Ladîno ke wextêko derg rayberîya El Qaîdeyî kerdebî, 2011 de Pakîstan de bi operasyonêk amebi kiştene.