Yewîya Ekolojî derheqê qerarê Mehkemeya Heqanê Merdiman a Ewropa (MHME) yê Heskîfî de eşkerayîyêka nuştekîye daye.

Yewîya Ekolojî vera redkerdişê muracatê Heskîfî yê MHME’yî hêrsê xo ard ziwan  û vat: ’’Qerarê redkerdişê pawitişê  Heskîfî hetê tarîxî, kultur û ekolojî ra zaf muhîm o. Bi nê qerarî herinda pawitişê mîrasê hemparî yê ekolojî û merdimîye de paştî dîyena serdestan. Qurbankerdişê Heskîfî yê rantwerdîya kapîtalîste derbeya peyên a. No qerar cesaret dano dewletan û şîrketan ke verê xo biçarnê cayanê tarîxkî û kulturkî.”