Goreyê eşkerayîya WHO’yî dorê 8 hezar werê amadeyî yê 500 rotişgeyan ameyî wekendene. Eşkerayîye de ame pêhesnayene ke zereyê nîmeyê weranê ke ameyî wekendene de se ra 30’ê kalorîya înan şekir û hîrê ra yewê ci zî şekiro zêdekerde yo.

WHO’yî ard ziwan ke werê bi şekirê zêdeyî eşkenê kîloyê pitikan xeylî zêde kerê û zirar bido didananê înan.

Eşkerayîye de ame vatene ke pitikê ke weranê bi nê tewirî wenê, gama ke benê pîlî zî wazenê weranê bişekiran biwerê û bi nê hawayî înan rê muptela benê.

Heman wextî de yeno pêşnîyarkerdene ke şeş menganê destpêkî de pitikî tena bi şitê maya xo bêrê weyîkerdene.

Pêşnîyar yeno kerdene ke seba prosesê dimayê şeş mengan ra heta di serran, herinda şitê amadeyî de, pitik bi wero ke keye de yeno amadekerdene bêro weyîkerdene.