Qezaya Zirganî ya Serêkanîyê de ke binê îşxalê dewleta tirke de ya, dewleta tirke û cerganê ci 29 dibistanî vurnayî baregeh û 11 dibistanî zî rijnayî. Nê semedî ra Zirgan de  5 hezar û 772 wendekarî heqê perwerdeyî ra mehrûm mendî.

Hemserekê Îdareyê Dibistananê Zirganî Silêman Salihî îfade kerd ke netîceya hêrişanê dewleta tirke de herême de perwerde vindert û vat: ''Par ma dest pê perwerdeyî kerd la dewleta tirke hêrişê Serêkanîyê kerd û nê hêrişî resayî heta Zirgan û dewanê ci.''

Hêrişan ra semed herême de xeylêk dibistanî girewte yê. Salihî eşkera kerd ke qeza de 8 hezar û 561 wendekarî estê la înan ra têna 2 hezar 3u 789 wendekarî eşkenê perwerde bivînê. Salihî da zanayene ke nika 81 daristanan ra têna 41ê ci perwerde danê û vat: ''29 bînayê dibistane destê îşxalkeran de yê, 11 dibistanî zî nêzdîyê herêma şerî de yê û seba asayîşê domanan ma nê dibistanan anêkenê.Dewleta tirke hacetê dibistananê ma talan kerdî. Xeylêk dibistanî zî binê bombardumanan de mendî.''

Salihî venga komelê mîyanneteweyî da ke verê hêrişanê dewleta tirke bigêro û bikero ke şarê herême abigêro wareyê xo. Salihî vat: ''Ma pê şaş ê ke senî komelo mîyanneteweyî vera hêrişanê dewleta tirke bêveng maneno.''