Şaîranê muhîman ê Rojhilatê Kurdîstanî ra Celal Melekşayî bajarê Sine ke tede ciwîyayêne de netîceya krîzê zerrî ra dinyaya xo bedilnaye.

Celal Melekşa yo 69 serre hem dewrê şah hem ê Komara Îslamî de rîyê şîîranê xo yê şorişgêr/welatperweran ra xeylêk rey erzîya zîndanan. Melekşa ke vera rejîman teslîmbîyayîş red kerdêne wexto ke zîndan de nêbi zî tim raştê zext û hêrişan ameyêne.

Celal Melekşa  dewa Melekşa ya bajarê Sinê yê Rojhilatê Kurdîstanî de 1951 de ame dinya. Melekşa ke keyeyêko welatperwer de bi pîl dibistan dewe de wend û perwerdeyê xo yo bîn Sine de kerd temam. Melekşa serranê xo yê ciwanîye de bi şîîranê xo bale edebayatkaran atne xo ser û hema ke kitbêkê ci  çînêbi bi endamê Yewîya Nuştoxan ya Îranî.

Melekşa verê Şorişê Îslamî yê Îranî yê 1979î tewrê sefanê Mucahîtanê Şarî bi û dima tewrê Komele bi ke rêxistina Kurdîstanî ya Partîya Komunîstî ya Iranî bî. Melekşa ka rîyê şîîranê xo ra zaf rey ame tepiştene badê ronayîşê Komara Îslamî ya Îranî nuştişê farskî caverda û emrê xo semedê xizmetê edabîyatê kurdkî ravêrna.

Celal Melekşayî 15 serrî  endamîya Heyetê Weşanî yê komara Sirwe kerd. Melekşa seba ke wextê xoverdayîşê Kobanê de şîîra Kobanê nuşte hetê Mudirîya Asayîşê Sine ra ame tehdîtkerdene û dima ra cirê zext ame kerdene la ey milê xo çewt nêkerd û vat ez do şîîranê winayên rê dewam bikerê. Seba ke Celal Melekşayî verê rejîmî de çok nêda, emrê ci feqîre de ravêrt. Şehadetê Melekşayî semedê edebîyatê Rojhilatê Kurdîstanî vînkerdişo pîl o. Melekşa do tim bi şîîranê xo bêro vîrardene.