Her çiqas firsendî kêm zî bibî û rewşa koçberîye dewam kerdêne zî Festîvala Mîtanî ya  4. sehneyê tîyatroyî yê Çîyayê Kurmancî yê qezaya Ehdasî yê kantonê Şehba de bi akedişê pêramotişê fotografan dest pêkerde.

Pêramotiş de 28 fotografî ameyî daliqnayene ke xoverdayîşê roniştoxanê Efrînî yê kampan û keyeyanê wêrankerdeyan mojneno. Bi desan roniştoxê Efrînî akerdişê pêramotişî de amade bîyî.

Festîvale bi deqayêkê rêzgirewtişî det pêkerd. Dima zî kesê ke awankerdişê festîvale de kede daye ameyî xelatdayene.

Îdarekarê Merkezê Kultur û Hunerî û endamê komîteya amadekare ya Festîvale Mihyedîn Arslanî qisey kerd û bale ante astengîyanê Şehba ser.

Arslanî pare kerd ke tîyatroyê Mîtanî bi destê roniştoxanê Efrînî ra ame awankerdene.

Îdarekara Merkezê Kultur û Hunerî ya Kantonê Şehba Medya Hemdîk qisey kerd û vat: "Mîtan dest pêkeno ke cuyêka newîye awan biko û xoverdayîş dewam bikero."

Endama Koordînasyonê Pêroyî ya Kongreya Starî Hedîya Yûsif vat: "Cayo ke Festîvala Mîtanî tede yeno serûberkerdene, cayê rêzdarî û hûrmetî yo."

Qiseykerdişan ra dima beşdarî pêramotiş de gêrayî û kayêkê tîyatroyî seyr kerd ke qala xoverdayîşê roniştoxanê kantonê Efrînî û erdê ci keno.