Goreyê doneyanê Komeleya Heqanê Merdiman (ÎHD) zîndanan de 600 yê înan bi giranî 500 hezar tepişteyê nêweşî est ê. Bi destpêkerdişê prosesê haştîye, şaro ke paweno ke wa gama pête bêro eştene, wazeno ke wa verî tepişteyê nêweşî bêrê veradayene.

Soydan Akayo ke bado 32 serrî zîndan de mend ame tehlîykerdene, ard ziwan ke îqtîdar pêro rojdemî tepişteyanê nêweşan ser o geno dest û rojdemo esasî peyde menano û vat; ''Prosesê haştîye  gerek têna çarçeweya tepişteyanê nêweşan de nê, bi perspketîfê demokratîkbîyayîşî yê hîrayî bêro destgirewtene. No proses gerek têna pabesteyê tepişteyanê nêweşan memano. No prosesêkê têkoşînî yo.''

Akayî meseleya atepişteyanê nêweşan sey meseleya merdîmî û ehleqî hesibna û vat semedê çareserîye serûberkerdişo qanûnî yo newe hewce nêkeno. Akayî vat; ''Qet qanûnêk hewce nêkeno. Na bi tememamî bebeta caardişî ya. Eke hukmat biwazo zereyê di rojan de çareser keno. Îqtîdar cara bi zanayîşî na mesele çareser nêkeno.''

Soydan Akayî îfade kerd ke hukmat meseleyê tepişteyanê nêweşan wazeno tim bikero babeta bazarîye û nê vatî: ''Îqtîdar bi meseleya tepişteyanê nêweşan hesabanê xo keno. Zemanî ra keno vila. Meseleya tepişteyanê nêweşan zaf muhîm a la gerek prosesê haştîye têna nê sero nêro destgirewtene. No prosesêkê têkoşînî yo. Hukmat goreyê xo babete sey psîkolojîk geno dest û wazeno têna bale bianco zîndanan ser.

Verî gerek ruhê xoverdayîşî yê zîndanî bêro mojnayene. Zîndan de her kes rixmê nêweşîya xo tewirê hêzdar û bianorî mojneno. Ûca warê têkoşînî yo.  Nika tena qala tepişteyanê nêweşan yena kerdene. Şar vano qey eke tepişteyê nêweşî bêrê veraayene mesela çareser bena. Herinda pawitişê hukmatî de gerek hêzê komelkî tay projeyanê bikerê. Zîndanî raştîya ma ya komelkî îfade kenê. Raştîyêka têkoşînî ya. Gerek na mesele têna bi hîsgêrî nê, hetê polîîtk û komelkî ra bêro destgirewtene.''