Vizêr qezaya Sûrî ya Amedî de bi organîzasyonê Grûba Morceleyanê Kirmanckî ''Şewa Deyîr û Şîîranê Kirmanckî'' ameye kerdene. Xeylêk kesî tewrê aktîvîte bîyî.

Şewe de verî Endamê Grûba Xebate ya Vateyî Mehmûd Nêşite û Munzur Çem ameyî yadkerdene. Şewe de nuştox, şaîr, cigêrayox û ziwannas M. Malmîsanijî zî qisey kerd û ey Mehmûd Nêşite û Munzur Çem yad kerdî.

Şewe de hunermendî Xoser û Eylule Nazlier vejîyayî sehne ser û deyîrî vatî. Dima şaîr Omer Barasiyî tay şîîrî wendî.

Aktîvîte bi eleqeyêkê pîlî qedîyaye.