Şubeyanê Egitim-Senî yê Amedî Komxebata ‘Perwerdeyê Ziwanê Dayîke de ver bi Çareserîye; Îmkanî, Astengî û Pêşnîyazî’ kerde. Xeylê ziwanzan, akademîsyen û roşnvîrî tewrê komxebate bîyî.

Komxebate de Endamê Komîsyonê Ziwanê Kurdkî yê Baroyê Amedî Muslum Dalarî qisey kerd û pare kerd ke qedexeyê vera kurdkî wextê Osmanîyan ra nata dewam keno. Dalarî îfade kerd ke perwerdeyê bi ziwanê dayîke seba kurdan kêmasîyêka pîl a .

Avûkat Serhat Hezerî da zanayene ke verê perwerdeyê bi ziwanê dayîke de astengîyî est ê û ganî bi rayîrê qanûnan nê astengîyî bêrê wedaritene.

Vervatoxa Komîsyonê Ziwanî ya DEM Partî Cemîle Turhalli bale ante ser ke ganî mabênê ziwanan de haştîyêke bêra viraştene û têdûştîya ziwanan bêra qebulkerdene.  Cemîle cat: ‘’Seba perwerdeyê bi ziwanê dayîke têkoşîn ganî bêro kerdene. Pirziwanî û pirkulturîye temînatê neteweya demokratîke yo. Ganî qanûnî seba perwerdeyê bi ziwanê dayîke bêrê vurnayene. Ganî şarê kurdî her ca de bi ziwanê xo qisey bikero.’’