Rojawano ke, şorişî ra dima hetê ekonomî ra heta weşîye, ekolojî ra heta perwerdeyî aver şî, xebatanê xo yê huner û kulturî zî pêşkeşê şarê xo keno û kulturê xo paweno. Şer 10 serrî yo ke dewam bikero zî seba ke domanî teşwîqê hunerî bibê xeylê projeyî ameyê kerdene. Înan ra yew grûba tîyatro ya ke emser bi rayberîya TEV-ÇANDî de ameye akerdene.

Hedefê proje o yo ke, heme domanê Vakur û Rojhelatê Sûrîye perwerdeyê tîyatroyî ra bivîyarê û vernîya wêrankerdişê şerî bigîrê.

Endama Tîyatroyî Çîya Ekîn Ronî ya ke bi xo Grûba Tîyatroyî ya Domanan reyde eleqedar a, derheqê projeyê Grûba Tîyatroyî ya Domanan de ANFyî rê qisey kerd.

Rayberanê Merkezê Kultur û Hunerî yê Dîcleyî ra Şemal Reşîtî behsê xebatanê xo kerd û muhîmîya Grûba Tîyatroyî ya Domanan ser o qisey kerd.