Dîrektor Çayan Demîrel serra 2015î de dîrektor Ertugrul Mavîşoglu reyde derheqê PKKyî de bi nameyê ''Bakurî'' fîlmêkê dokumenterî viraştbi.  Cuya hunermendê dêrsimijî Çayan Demîrelî bi nameyê ''Arkadaşımız Çayan'' (Embazê ma Çayan) bîye fîlmê dokumenterî. Fîlmê dokumenterî hetê embazanê Çayan Demîrelî ra ame viraştene. Fîlmê dokumenterî 24ê çeleyî de roja îneyî qezaya Beyoglu ya Îstanbulî de Salona Cezayîrî de do bêro mojnayene.

Çayan Demîrelo ke 18ê adare de krîzê zerrîye vîyartbi û bi mengan nêweşxane de mend Mavîşoglu reyde semedê fîlmê dokumenterî ''Bakurî'' ra şibi mehkeme. Çayan Demîrelo ke Tirkîya de reya verêne semedê fîlmê dokumenterî ra ame hukmkerdene ci rê 18ê temmuza 2019î de cezaya 4 serr û 6 mengan ameye dayene.  Heyetê mehkeme bira xo de raporê astengdarîya se ra 99 nêercna. Demîrel nika pabeyê bira Mehkema Îstînafî yo.