Mamostayê kurdkî Mehmet Emîn Ciriko ke taxa Mensurîye ya qezaya Artûkluyî ya Mêrdînî de ciwîyeno, pê hesîya ke youtube de bi pêro ziwanan wesayîtî dîyenê şinasnayene la mîyanê nê ziwanan de kurdkî çin a. Mamosta Cirik nika nê karî bi xo keno. Cirik vîdeoyan gêno û derheqê model, şekil, fonksîyon û şuxilnayîşê wesayîtan de zanayîşan dano. 

Ciriko ke nê vîdeoyan hesabê xo yê youtube ser o vila keno, îfade kerd ke seba ke ziwanêk aver şoro ganî her kes berpirsîyarîya xo bîyaro ca.

Cirikî da zanayene ke di embazê ci zî ardimê ci keno û ê pêro derheqê wesayîtan de zanayîşan ardê danê û weşananê. Cirikî ard ziwan ke armancê ey ronayîşê arşîvêkê kurdkî yo û pare kerd ke kurdî eşkenê bi ziwanê xo zî karê xo bikerê. 

Cirikî eşkera kerd ke ganî reklamî bibê kurdkî  û kurdkî têna ziwanêko folklorîk nîyo.