Fermandaranê şerê Kobanê ra Meryeme Kobanê derheqê destanê Kobanê de kitabê bi nameyê 'Kobanî: Çepera Rûmetê' nuşt. Kitab Weşanxaneyê Şilêrî ra vejîya.

Meryeme Kobanê kitab de Serxete (Vakurê Kurdîstanî) ra heta Binxete (Rojawanê Kurdîstanî) pê çimanê domanêke kewena peyê xeyalanê domanîye. Şahîda destanê Kobanê Meryeme Kobanê bi kitabê xo tarîxî rê zî mîrasêk verdena.

Meryeme Kobanê da zanayene ke ganî no destano pîl neslanê bînan rê biamayêne neqlkerdene û aye zî no çi sey wezîfeyêk ard ca. Meryeme Kobanê ANFyî rê pare kerd ke ganî pêro kurdî raştîyê Kobanê bizanê û sînoranê Kurdîstanî birijnê.

Meryeme Kobanê vat: ''Mi xîret kerd ke xoverdayoxê Kobanê wa meçhûl nêmanê. Ez seke bîya fek û ziwanê ê çêran. Mi waşt heqê înan teslîm bikera û xoverdayoxî nêrê vîrkerdene.''