Haşim Aydemîro ke dîrektorê fîlmê 14ê Temmuze, Dema Dirîreşkan, Sûr da Devran û Hevale Kekê Min o ANFyî rê qala hunerê xo kerde.

Haşim Aydemîrî ard ziwan ke Kurdîstan de fîlm viraştiş yeno manaya vatişê raştîya şarî, zor û zehmetîyan. Aydemîrî vat: ''Ma bi destekê şarî nê karî kenê. Kaykerdoxan ra heta tîma teknîkî merdimî wazenê bixebitê û bibê parçeyê fîlmî.  No zî hêz dano ma.''

Aydemîrî bale ante tarîxê têgêrayîşê azadîye yê 40 serran û vat: ''Bi nê tarîxî merdim eşkeno bi hezaran fîlman virazo. Çîyo ke ma bala xo danê ser raştîya komelkî ya. Huner warêkê xoverdayîşî yo. Coka ma xizmetê xoverdayîşî û hunerê şarî kenê. Komunê Fîlman ê Rojawanî 8 serrî yo warê hunerî de aktîf o. Nika çend projeyê sînema est ê. Sînema seba ke warêko newe yo, newe newe ma musenê ci. Ma xîret kenê ke dinyayêka newîye bi sînema awan bikerê, erjanê xo bipawê û bi ewnîyayîşêkê neweyî sînemaya xo biafernê. Bi nê hawayî ma ziwanê hunerî yê neweyî afernenê.

Eke şar mîyanê sînema de raştîya xo bivîno hînî sînemagerê kurdî rayîrê raştî de benê. Eke berhemê ma raştîya şarî bimojnê, qala raştîya şarî bikerê hînî ma do ser bikewê.''