Ekrem Karo ke serra 1994î ra nata tepişte bi badê 30 serran Zîndanê Tîpê Lyî yê Patnosî ra ame tehlîyekerdene.

Karo ke badê xeylê serranê dergan ame tehlîyekerdene hetê keye û heskerdoxanê xo ra verê zîndanî de bi tîlîlîyan ame verwazîkerdene. Ekrem Kar badê tehlîye ver bi memleketê xo Şirnexî kewt rayîr.

Ekrem Kar serra 1994î de Agirî de ame tepiştene û dima ra hetê Mehmekeya Asayîşî ya Dewlete (DGM) ra cezaya muebetî dîyaye ci. Kar 30 serr zîndananê Şirnex, Erzîrom, Agirî û Amedî de mend.