Derheqê rojnamegeranê ke şerê Rojawanî de xoverdayîşê şarî resnayêne rayaumûmîye de filmêko kilm ê bi nameyê 'Rojnamevan'î ame antene. Montajê fîlmî qedîya ke fîlm verî ke dewleta tirke û cerganê aye Serêkanîyê îşxal kerd ame antene.

Dîrektorê fîlmî Mîhran Ebdo yo, senaryo hetê Fatme Ehmed ra ame nuştene û montajê fîlmî zî Besêl Reşîdî kerd, kaykerdoxê fîlmî zî ciwanê Rojawanî yê. Fîlm Festîvala Asayîşê Komelî ya Iraqî de amebi mojnayene. Ame zanayene ke fîlm do Festîvala Fîlman ê Kilman a Merekişê de bêro mojnayene.

Vakur û Rojhelatê Sûrîye de bi seyan ciwanan seba ke xoverdayîşê şarê kurdan bimojnê dinya xîret kerd. Zaf rojnamegerî rastê hêrişanê dewleta tirke û DAÎŞî ameyî. Nê hêrişan de zaf rojnamegerî zî şehîd kewtî. Rizgar Denîz, Dilîşane Îbîş û Hogir Mihemed hêrişê bi bomba yê DAÎŞî de şehîd kewtî. Seed Ehmed zî bombardûmana dewleta tirke de Serêkanîyê de şehîd kewtî. Nê hêrişî de zaf rognamegerî birîndar bîyî û dima şehîd kewtî.