Merkezê Kultur û Hunerî yê Til Hemîsî armanc keno ke mîrasê kulturkî yê komelî bipawo. Merkezî hetkarîya cinîyêka ke xalîyan virazena kerde.

Riştişê xalîyan û kiliman bi şorişê sanayî hêdî hêdî çin bîyî. Herêma Cizîrî ya Rojawanê Kurdîstanî de riştişê xalî û kilîman hîna sey verî nênê kerdene.

Merkezê Kultur û Hunerî yê Til Hemîsî hetkarîya cinîyêka bi nameyê Şêxa Silo ya ke xalîyan raçînena kerde û ci rê pêro hacetê riştişî hêrînayî.

Şêxa îfade kerd ke a pê keyfweşîye xalîyan raçînena û vat: "Wexto ke ez doman bîye dadîya mi musnaye mi ke ez senî xalî û kilîman biviraza. Ez hem mîrasê ma yê kulturelî pawenê û hem zî debarê xo kena. Ez venga pêro cinîyanê dinya dana ke wayîrê nê mîrasê ma bivejîyê."