Grubanê tîyatroyî yê kurdan; Tîyatroyê Mencelî, Teatra Jiyana Nû, Tîyatroyê Yekta Hêvî û Tîyatroyê Şaristanê Amedî derheqê xebatanê Torra Ziwan û Kulturan de eşkerayîyêke nuştekîye daye. Eşkerayîye de ame vîrvistene ke 10 hunermendê tîyatroyî zî tewrê xebatanê Torra Ziwan û Kulturan bîyî ke 11-12ê çeleyî de Amed de ameye kerdene. Eşkerayîye de bale ameye antene polîtîkaya asîmîlasyonî ya ver kultur û ziwanê kurdkî ser.

Eşkerayîye de wina ame vatene: "Vakurê Kurdîstanî de kurdkî sînorê çinbîyayîşî de ya. Coka xebatêka winasêne keyfweşîye dana ma. Ma sey hunermendanê tîyatroyî Torra Ziwan û Kulturan fîraz kenê û înan selam kenê. Ma cara pêro xebatanê xo bi kurdkî kenê. La naye ra tepîya ma do giranîye bidê xebatanê domanan û ma eseranê kirmanckî bikerê zêdêr. Ma manîfestoyê Torra Ziwan û Kulturan zî cuya xo de sey esasî bigêrê."