Kovara Vateyî ya ke  safî bi kirmanckî  hîrê aşman de reyêk vejîyena, hûmara ci ya neweyî ameye weşanayene. Hûmara 62. de zî şîîre, roportaj, meqale û sewbîna nuşteyî ca gênê.

Babetê ke na hûmare de ca genî tayî wina yê: ''Weysel Yildizhanî çend çekuyê kirmanckî yê ke yew rojnameyê bûlxarî de nusîyayî ser o nuşto. Şaîre û nuştoxe Bedrîye Topaç, hamnanê 2019î de kênaya Celadet Alî Bedirxanî Sînemxane Bedirxan reyra yew roportajo balkêş kerdbi. No ropotaj zî na humare de ca gêno. Aydin Batur gelek hetan ra mintiqaya Gêxî dano naskerdene. Pinare Yildiz û Welat Ramanîazadî fuarê kitaban ê Amedî ser o nuşto. Şîîrê na hûmare Akman Gedîk, Abdullah Yakişan, Bazîd Cîhangîr û Rûmet Alxasî nuştê. Ozlem Akkan zî yew şîîra Nazim Hîkmetî açaranaya kirmanckî ser. Reyna na humare de ca dîyeno vîrameyîşanê Doxan Karasu û Mehmud Nêşîteyî zî. Hîkayeyêka Eşqê Pergendeyî ya Pinare Yildiz û “Maçîkerdiş”ê Hjalmar Soderbergî ya ke J. Îhsan Esparî swêdkî açarnaya zî na hûmare de estê. Mesele û fiqrayê na hûmare Îsmet Bor û Nurî Keleşî nuştî. Nurî Keleşî hepsê Amedî ra yew sanike zî şawita."