Kitabê bi nameyê ''Hûmîtra/Felsefeya Hunerê ya Mêhrî-Mîtrayî'' yê Xecê Şen Weşanxaneyê Aramî ra vejîya.

Kitab de 6 deyîrê komelkîyî est ê û nê deyîrî hetê babetanê 'huner de rolê cinîyan, 'huner û edebîyat de cînsîyê komelkî', 'hunerê cinîyan ê kolektîfî' ra yenê ercnayene. Kitab de derheqê terîman de yew ferhengek zî cagêno.

Nuştoxe Xecê Şen derheqê kitabê xo de ANFyî rê qisey kerd û pare kerd ke wextê Mêhrîyan de cinîtîye ra ca çin bi û merdiman têna pê roşnîye û tîje bawer kerdêne. Şene da zanayene ke kitabê ci de xeylêk mefhûmê etîmolojîkî zî est ê.

Şene vat: ''Hûmîtra felsefeya verêne ya kurdan a. Xora çekuyê sey 'hebûn, huner' Hûmîtra ra yenê. Ez 15 serrî yo eleqe mojnena na babete û 9 serrî yo zî cigêrayîşan kena. Netîceya cigêrayîşanê mi de zî no kitab vejîya werte. No kitab do seba cigêrayoxanê felsefeya Mêhrî Mîtrayî bibo destek. Mi xo rê esas kerd ke rengê cinîyan û felsefeya komunale ya Mêhrî Mîtrayî ser o qal bikera. Kitabê mi de têna kurmanckî nê pêro dîyalektîkê kurdkî ca gênê. Yanî kitab de çar parçeyê Kurdîstanî yenê temsîlkerdene.''