Xêzeromanê 'Kobanê Calling'ê karîkaturîstê Îtalyanî Zerocalcare (Mîchele Rech)  bi nameyê Kobanê 'CallincgOn Stage / Vengdayîşê Kobanê sehne de yo' sey kayê tîyatroyî ame amadekerdene.

Xêzeromanê karîkaturîstê namdarî qala raywanîya Rojawanî keno ke wextê Xoverdayîşê Kobanê de ameye kerdene. Xêzeroman dima ke Îtalya de ame çapkerdene ame açarnayene bi 6 ziwanan. Projeyê tîyatroyî hetê Imbarco û Lucca Comics&Games ra ame amadekerdene. Îdarekarîya ci zî hetê Nîcola Zavaglî ra yeno kerdene.

Kayî 20ê teşrîna peyêne de şaristanê Grosette de dest pêkerd heta nika 7 şaristanan de ame mojnayene. Kay mabênê 5 û 15ê kanûne de paytextê Îtalya Roma de ame mojnayene. Kay do 18ê kanûne de Bologna de, 27-29ê sibate Genova de, 3-8ê adare de Napolî de û 26-29ê adare de Mîlano de bêro mojnayene. Zavaglîyî şerwananê azadîye selam kerdî û vat: "Ma zanenê ke têkoşînê înan seba ma yo. Naye ra ma ci rê sipas kenê. Ma xîret kenê ke tarîxê înan bimojnê Îtalya."