Deutsch-Kurdischen-Kulturinstitut (Enstîtuyê Kulturî yê Alman û Kurdan) verê cû platformanê dîjîtalan ser o Arşîvê Deyîranê Radyoyê Erîvanî pare kerdbi. Enstîtuyî nika zî deyîrî sey kitabêkî çap kerdî.
Deutsch-Kurdischen-Kulturinstitut (Enstîtuyê Kulturî yê Alman û Kurdan) Arşîvê Deyîranê Radyoyê Erîvanî sey kitabêk çap kerd. Cigêrayoxê Muzîkê Kurdkî û deyîrbaz Cewad Merwanîyî netîceya xebata 4 serran de kitab qasê 4 cîldan seba çapkerdişî amade kerd.
Kitab de nota û vatişê deyîraz ca gênê. Kitabê 4 cîldan de beşî estê û derheqê muzîkê kurdî de zî zanayîşî estê. Cewad merwanî, hunermend Dilovan, muzîkolog Veysî Varli, hunermenda Radyoyê Erîvanî Dîlbera Wekîl, Dîrektorê Dezgehê Kulturî yê Neussî Harald Muller, Mamosta Berzan Farqînî û nuştoxe Îşxane Aslan zî pê vîdeoyêkî derheqê kitabî de qisey kerd.
Cewad Merwanîyî vat: ''Ma şarê kurdî fîraz kenê. Hêvîdar a ke ma pêro tira îstîfade bikerê.''
Hunermend Dilovanî zî qala prosesê xebate kerde û vat: ''Cewad xebatêka pîle kerd. Zaf sipas Cewad.'' Harald Mullerî zî Cewad Merwanîyî rê sipas kerd.
Mamosta Berzan Farqînîyî zî wina vat: ''Cewadî tim waşt ke pê xebatêka winasêne kultur, muzîk û deyîranê kurdkî bipawo.''
Şima eşkenê Deyîranê Arşîvê Radyoyê Erîvanî kanalê Deutsch-Kurdischen-Kulturinstitutî ser o peyda bikerê:
Yotube: https://www.youtube.com/watch?v=zXQxmKc6kdU&list=PLAXCuqYJmH1J4nHR-6voYASYORyBdDsvN
https://open.spotify.com/album/6aTAvz6FtGwIMI11PkXYvy?si=N-TLQ6loTBqv1DEPyxgCvw
