Odaya Sanayî û Bazirganîye ya Amedî (DTSO) cayanê tarîxîyan ê şaristanî de aktîvîteya bi nameyê 'Konserê Amîda-Vengê Wextê Verî' virazena.

Çarçewa aktîvîteyan de 13ê teşrîna peyêne de qezaya Çinarî ya Amedî de Kelaya Zêrzêwanî de konserêk do bêro kerdene. Kelaya Zêrzêwanî Dewirê Roma ra menda û lîsteya demkî ya UNESCO de ca gêna.

Konser de hunermendê Muzîkê MA û Mîkalîl Aslan pîya deyîran vajê. Konser roja îneyî saete 20:00 de medyaya dîjîtale ser o do bêro weşanayene. Bi nê konseran yeno armanckerdene ke cayê tarîxî yê Amedî bidîyê şinasnayene.

Hetkarê Serekê DTSOyî Ercan Tayinlamakî derheqê konseran de vat ke ê wazenê bi nê hawayî kulturê xo bidê şinasnayene û ciwanan rê mîrasê kulturî neql bikerê.