Mûstafa Azîmîtabaro ke Rojhelatê Kurdîstanî ra yo, kampêka multecîyan ê Avustralya de bi otoportreyo ke pê firçeyê didanan viraşto, musabeqaya xelatan a tewr namdare ya welatî de bi fînalîst.
Mûstafa Azîmîtabaro ke Rojhelatê Kurdîstanî ra yo, kampêka multecîyan ê Avustralya de bi otoportreyo ke pê firçeyê didanan viraşto, musabeqaya xelatan a tewr namdare ya welatî de bi fînalîst.
Mûstafa Azîmîtabaro ke tedaya rejîmê Îranî ra remayo û 2014 ra nata kampe de maneno, AFPyî rê qisey kerd û pare kerd ke wexto ke eşnawit bîyo fînalîst, zaf bi şa.
Azîmîtabarî îfade kerd ke gardîyanan seba ke pê bieşko xo bikişo boyax nêdayo ci û ey zî neçarî ra qewe û firçeyê didanan şuxilnayo. Azîmîtabarîyî vat: ''Helêka zaf taybet bîye. Mi fiçeyê didanan girewt, vist qewe û kaxizî ser o çarna.''
Azîmîtabarî kodê kampe 'KNS088' da nameyê otoportreyî. Ey da zanayene ke ey hunerê xo de waşt ke dej û hêzê cuya multecîtîye bimojno ra. Azîmîtabarî vat: ''Huner û resimî kerd ke ez xurt bimana û dewam bikera. Çunke seba ke ez resim virazena hînî travmaya xo hîs nêkena.''
Azîmîtabarîyî 21ê çeleyê 2021î de bê îzehetêkî kampe ra vera dîya û nika keno ke Avustralya de cuya xo ya newîye awan bikera. Azîmîtabar seba rêxistinêka merdimîye sey zerrîwazî xebitîyeno.
Netîceya musebaqa do 13ê gulane de bêra eşkerakerdene.
