Komeleya Edebîyatkaranê Kurdan û Komeleya Nuştoxan a Mezopotamya bi eşkerayîyêke nuştox Mehmet Uzun o ke 10ê teşrîna verên a 2017î de Amed de cuya xo vînîkerde, yad kerd.

''Eşkerayîye de nê ameyî vatene: Dewro ke ziwanê kurdkî qedexe bi û sey tabu ameyêne dîyene Mehmet Uzunî sey sîmgeyê serewedartişî bi ziwanê xo yê dayîke dest pê nuştişî kerd. Sey xeylêk nuştoxanê kurdanê ke ziwanê serdestan de nê ziwanê xo tercîh kerd û ziwanê kurdkî yê nuştişî aver berd. Mehmet Uzuno ke xîret kerdêne ke ziwanêko hempar ê edebîyatê kurdan biferne û tradîsyonê hîyayeyanê kurdan ganî tepişo edabîyatê kurdî de wayîrê rolê ronayoxî yo. Mehmet Uzunî  bi zanayîşê neteweyî têgera, tim sey perrêkî cayê mazlûman de bi. Senî ke Nuştoxê ‘Mem û Zîn’ nuştox Ehmedê Xanî sey serkêşanê Edebîyatê Klasîkî yê Kurdan yeno zanayene Mehmet Uzun zî serkêşanê Edabîyatê Modern ê Kurdan ra yo. Mehmet Uzuno ke eserê bêmergî nuştî vîrî ra nêşi, nêşono do nêşiro.''