Apê Yûsif Gulo, tornê ci Mazlûm û Mihemed Gulo 9ê teşrîna peyêne ya 2021î de hetê dewleta tirke ra ameybî qetilkerdene. Peykersaz Emîn Ebdoyî peykerê Yûsif Guloyî viraşt.

Emîn Ebdoyî ANFyî rê qisey kerd û ard ziwan ke  ey 6ê çeleyî de dest pê viraştişê peykerdî kerdo. Emîn Ebdoyî îfade kerd ke 1988 de ey Apo Yûsif şinasna û vat: ''Têgêrayîşê Azadîye de têkilîya ma aver şîyê. Ey tim seba viraştişê peykeran hetkarîya mi kerdêne. Mi reyêk o eqlê xo de neqişna û wina mi resmê ci viraşt. Ma sey şarê Rojawanî wazenê şehîdanê xo pê hunerî yad biikerê. Her keso ke Apê Yûsif şinasnayêne û waştêne bişinasno eşkeno pê nê peykerî ey yad bikerê.

Seba mi sereberzîyêk a ke mi peykerê ey viraşto.Wexto ke mi peykerê ey viraştêne bi rojan ez hewna nêşîya. Apê Yûsif mezg û zerrîya şarî de yo. Dişmen se keno wa bikero do bi se hezaran kesî herinda yew şehîdî/e gênê. Ma bi rayîrê hunerî cewab da dişmenî.''